ایک نیوز: پاک بحریہ کا جہاز پی این ایس نصر زلزلہ زدگان کیلئے امدای سامان لے کر شام کی بندرگاہ لطاکیہ پہنچ گیا ہے۔
ترجمان پاک بحریہ کے مطابق امدادی سامان میں متاثرین کیلئے خیمے، کمبل، جنریٹرز، راشن، ادویات اور گرم کپڑے شامل ہیں۔ شام کی بندرگاہ پہنچنے پر پاکستانی سفیر، شام کے اعلی سول و عسکری حکام نے جہاز کا پرتپاک استقبال کیا۔ پی این ایس نصر 1000 ٹن امدادی سامان لے کر جانے والا پاک بحریہ کا پہلا جہاز ہے۔
ترجمان پاک بحریہ کا مزیدکہنا ہے کہ پاک بحریہ کے دوسرے جہاز پی این ایس معاون کو بھی امدادی سامان کے ساتھ 12 مارچ کو روانہ کیا گیا ہے۔ پی این ایس نصر امدادی سامان کی شام میں ترسیل کے بعد ترکیہ روانہ ہوگا۔
پاکستانی قوم مصیبت کی اس گھڑی میں ترکیہ اور شام کے عوام کے ساتھ کھڑی ہے۔
https://www.pnntv.pk/uploads/digital_news/2023-03-14/news-1678779726-3267.mp4