ن لیگ کواحساس ہوگیا،مریم نوازمکمل ناکام ہوگئی ہے،فوادچودھری

ایک نیوز:رہنما پی ٹی آئی فوادچودھری کاکہناہے ن لیگ کواحساس ہوگیاہے کہ مریم نوازمکمل طورپر ناکام ہوگئی ہے۔
تفصیلات کے مطابق سابق وفاقی وزیرفوادچودھری کاکہناہےکہ عمران خان جیل میں بھی ہوں توبھی انتخابات دو تہائی اکثریت لیکر جیتیں گے۔اقتدار چلا جائے گا ۔تو آپ کو حساب تودینا پڑے گا۔ ظل شاہ پر نگران وزیراعلیٰ، آئی جی پنجاب اور سی سی پی او کے حکم پر تشدد کیا گیا۔ ظل شاہ قتل میں نگران وزیراعلیٰ پنجاب، آئی جی پنجاب، ہوم سیکرٹری اورسی سی پی او شریک اور براہ راست مجرم ہیں۔ ہم مطالبہ کرتے ہیں ان چاروں افراد کے خلاف کارروائی ہونی چاہیے۔
رہنما پی ٹی آئی کا مزیدکہناتھا کہ ظل شاہ کے والدین پر بہت پریشر ہے۔ ظل شاہ قتل کیس کی تحقیقات کیلئے جوڈیشل کمیشن بننا چاہیے۔ واقعہ کے فوری بعد پنجاب حکومت کی مدعیت میں ہم پر قتل کا مقدمہ درج ہوتا ہے۔ دو دن بعد پریس کانفرنس کر کے کہا جاتا ہے کہ یہ حادثہ تھا۔