پونم ڈھلوں کیجانب سے سوناکشی سنہا کی شادی کی تصدیق 

ویب ڈیسک: بالی ووڈ کی سینیئر اداکارہ پونم ڈھلوں نے مشہور و معروف اداکارہ سوناکشی سنہا کی شادی کی تصدیق کر دی ہے۔
پونم ڈھلوںنے سونا کشی سنہا کی ظہیر اقبال کے ساتھ شادی کی تصدیق کی ہے۔
گزشتہ کچھ دنوں سے بھارتی میڈیا پر خبریں گردش کر رہی تھیں کہ سوناکشی سنہا اور اُنکے دیرینہ اور پرانے دوست اور اداکار ظہیر اقبال رواں ماہ 23 جون 2024کو شادی کررہے ہیں۔
 سوشل میڈیا پرسونا کشی سنہا اور ظہیر اقبال کی شادی کا آڈیو دعوت نامہ بھی لیک ہوگیا ہے جس میں اداکارہ سوناکشی سنہا اور ظہیر اقبال اپنے خاندان والوں اور دوستوں کو شادی کی تقریب میں شرکت کی دعوت دیتے ہوئے سُنا گیا ہے۔
اس دعوت نامے کے مطابق اداکارہ سوناکشی سنہا اور ظہیر اقبال کی شادی کی تقریب 23 جون رکھی گئی ہے یہ شادی کی تقریب ممبئی میں رات 8 بجے منعقد ہوگی جبکہ اس جوڑی نے ابھی تک اپنی شادی کی خبروں پر کوئی ردعمل نہیں دیا ہے تاہم انڈیا کی سینیئر اداکارہ پونم ڈھلوں نے دونوں کی شادی کی تصدیق کی ہے۔
انڈین میڈیا کا کہنا کہ پونم ڈھلوں نے اپنے ایک انٹرویو میں کہا ہے کہ سوناکشی سنہا نے مجھے اپنی شادی کا خوبصورت دعوت نامہ بھیجا ہے، میں اُنکی زندگی کے نئے سفر کیلئےبہت زیادہ خوش ہوں۔
پونم ڈھلوں نے مزید کہا کہ میں سوناکشی سنہا کو اُن کے بچپن سے جانتی ہوں، وہ بہت ہی پیاری اور خوش مزاج شخصیت کی مالک ہیں، میری نیک خواہشات اور دُعائیں سوناکشی کیساتھ ہمیشہ ہیں۔
پونم ڈھلوں نے اداکارہ سوناکشی سنہا کے ہونیوالےشوہر ظہیر اقبال سے کہا کہ سوناکشی کو ہمیشہ خوش رکھنا، وہ بہت پیاری ہیں اور ہم سب کے لیے بہت اہم ہیں۔