ایک نیوز:امریکا میں ایک ڈومیسٹک پرواز میں عجیب وغریب قسم کا واقعہ پیش آیا ہے جس میں دو خواتین اس برے طریقے سے لڑ پڑیں کہ طیارے کو اپنا روٹ بدلنا پڑ گیا اور قریب ترین ائیر پورٹ پر ہنگامی لینڈنگ کرنا پڑی۔
تفصیلات کے مطابق خواتین کی لڑائی کی شدت کا اندازہ اس بات سے لگایا جا سکتا ہے کہ عملہ اور نہ ہی دیگر مسافر حالات کو پرسکون کرنے اور جھگڑا ختم کروانے میں کامیاب ہو سکے۔ طیارے میں موجود ایک مسافر کی جانب سے بنایا گیا ایک ویڈیو کلپ امریکی میڈیا میں نشر کیا گیا۔ اس ویڈیو میں دو یا دو سے زیادہ خواتین کو بدتمیزی کرتے اور چیختے ہوئے دکھایا گیا تھا۔
دوسرے مسافروں اور عملہ کی طرف سے خاموش اور پرسکون رہنے کی تاکید کی جارہی تھی،فرنٹیئر ایئر لائنز کی یہ پرواز فلاڈیلفیا سے لاس ویگاس جارہی تھی۔ اس جھگڑے کی بنا پر پائلٹ کو طیارے کا رخ موڑنا پڑااور پائلٹ نے طیارے کی ڈینور میں ہنگامی لینڈنگ کی۔ ان دونوں خواتین کو طیارے سے اتار کر پولیس کے حوالے کردیا گیا۔
https://www.pnntv.pk/uploads/digital_news/2023-07-14/news-1689333907-8856.mp4
ویڈیو کلپ میں دکھایا گیا ہے کہ سرخ ٹی شرٹ میں ملبوس ایک خاتون زور سے چیخ رہی ہے اور اپنے بازوؤں کو مار رہی ہے اور دیگر مسافر اسے خاموش کروانے کی کوشش کر رہے ہیں۔لڑائی اس وقت مزید بڑھ گئی جب سرخ قمیض میں ملبوس خاتون کو احساس ہوا کہ اس کی ویڈیو بنائی جا رہی ہے تو اس نے لڑائی کا رخ فلم بندی کرنے والے کی طرف موڑ دیا۔
عینی شاہد کا کہنا ہےکہ دیگر مسافروں میں سے کچھ کو پولیس کو اپنے بیانات دینے کے لیے عارضی طور پر جہاز سے نکلنا پڑا۔ خواتین کی لڑائی کے باعث پرواز ایک گھنٹہ تاخیر سے لاس ویگاس پہنچی۔