ایک نیوز: بلوچستان شہداء فورم کے توسط سے پاک بوائز سکاؤٹ کوئٹہ میں شہداء کی یاد میں تقریب کا اہتمام کیا گیا۔
تفصیلات کے مطابق تقریب میں ہر مکتبہ فکر سے تعلق رکھنے والے ہزاروں مقامی افراد کیساتھ ساتھ بلوچستان کے شہداء کے لواحقین نے بھی شرکت کی۔
تقریب میں شرکاء نے اپنی ولولہ انگیز تقاریر سے شہدائے پاکستان کی قربانیوں کو یاد کرتے ہوئے انہیں خراجِ عقیدت پیش کیا۔ شرکاء کا کہنا تھا کہ "ہمارے شہداء کی یاد ہمیشہ ہمارے دلوں میں زندہ رہے گی"۔ "شہداء کی قربانیاں ہمیں ایک بہتر اور خوشحال پاکستان کے لیے جدوجہد کرنے کی ترغیب دیتی ہیں"۔
تقریب کے اختتام پر شرکاء نے اس عزم کا اعادہ کیا کہ “شہدائے پاکستان کے نقشِ قدم پر چلتے ہوئے وطنِ عزیز پر آنے والی ہر آنچ پر بہادری سے لبیک کہیں گے اور اپنی جان کا نذرانہ پیش کرنے سے بھی دریغ نہیں کریں گے”۔