سندھ میں مزید بارشوں کا امکان، ہائی الرٹ جاری

ایک نیوز نیوز: محکمہ موسمیات کی جانب سے ہیوی مون سون بارش کی ہائی الرٹ جاری کر دی گئی ہے۔ 14 جولائی 2022 سے 18 جولائی تک مزید مون سون بارشوں کا امکان ہے۔
مون سون کا ایک اور اسپیل جمعرات 14 جولائی کو سندھ تک پہنچنے کا امکان ہے۔ یہ اسپیل کراچی سمیت دیہی سندھ کے مختلف اضلاع میں 18 جولائی تک برقرار رہے گا۔ اس موسمی نظام کے زیر اثر خیرپور، سکھر، لاڑکانہ، جیکب آباد، قمبر شہداد کوٹ، دادو، جامشورو، شکارپور، گھوٹکی اور کشمور میں بارش کا امکان ہے ۔ جبکہ کراچی، حیدرآباد، ٹھٹھہ، بدین، میرپورخاص، عمرکوٹ، تھرپارکر،ٹنڈو محمد خان، ٹنڈو الہیار، سانگھڑ، نوابشاہ، نوشہرو فیروز، میں چند مقامات پر گرج چمک کے ساتھ گرج چمک کے ساتھ بارش کا امکان ہے۔ موسلا دھار بارشوں سے نشیبی علاقوں کراچی، حیدرآباد، ٹھٹھہ، بدین، میرپورخاص، عمرکوٹ، دادو، جامشورو، نوابشاہ، جیکب آباد، لاڑکانہ اور سکھر کے اضلاع میں مزید پانی جمع ہونے اور سیلاب کا خطرہ بڑہ سکتا ہے۔ مسلسل بھاری اسپیل پہاڑی طوفان کے ساتھ ساتھ سیلاب کا باعث بن رہا ہے۔محکمہ موسمیات کی جانب سے تمام متعلقہ حکام سے گزارش کی گئی ہے کہ وہ تیار رہیں اور ضروری اقدامات کریں۔