امریکا کی معیشت ترقی کر رہی ہے،شہریوں کو سہولیات دیں:بائیڈن

 ایک نیوز:امریکی صدر جوبائیڈن کاعہدہ چھوڑنے سے قبل خارجہ پالیسی پر تقریر میں کہنا تھا کہ امریکا کی معیشت ترقی کر رہی ہے،امریکی شہریوں کو سہولیات کی فراہمی کیلئے کام کیا۔
 جوبائیڈن نے کہا کہ سڑکیں اور پل بنائے، صاف پانی اور صاف توانائی کیلئے کام کیا، نیٹواور امریکی اتحادی دہایئوں میں پہلی بار اتنےمضبوط ہوئے ہیں،فلپائن ،جاپان اور جنوبی کوریا سمیت اتحادیوں سے تعلقات مضبوط کیے،بحیرہ احمر میں بحری جہازوں کے تحفظ کیلئے 20ممالک کا اتحاد بنایا۔
امریکی صدر نے مزیدکہا کہ روس کیخلاف اور یوکرین کی حمایت کیلئے 50ممالک کا اتحاد قائم کیا، ایران کیخلاف اسرائیل کی مدد کیلئے امریکی جنگی جہاز تعینات کیے، ایران ، روس ، چین اور شمالی کوریا اتحاد کے باوجود کمزور ہیں ، غزہ میں جنگ بندی معاہدے کیلئے دباؤ ڈال رہے ہیں ۔
انہوں نے کہا کہ ہمارے پاس جو مسودہ ہے اس سے جنگ بندی ،قیدیوں کو آزادی ملے گی، فلسطینی عوام خود اپنے مستقبل کا تعین کرنے کے مستحق ہیں ۔