ویب ڈیسک :افغانستان کے خلاف دوسرے ٹی ٹوینٹی میچ میں ایک مداح گراونڈ کا جنگلہ پھلانگ کر ویرات کوہلی سے گلے ملنے گراونڈ میں پہنچ گیا ۔
تفصیلات کے مطابق سوشل میڈیا پر وائرل ہونے والی تصویر میں دیکھا جا سکتا ہے کہ ایک نوجوان باونڈری کے قریب ویرات کوہلی کے گلے سے لگا ہواہے جبکہ سیکیورٹی اہلکار تیزی سے دوڑتے ہوئے آ رہے ہیں ۔ نوجوان کو سیکیورٹی فینس پھلانگنے پر حراست میں لیا گیا اور بعدازاں تاکو گنج تھانے منتقل کر دیا گیا ۔
— ???? ¹³³ (@Vamshidhar_18) January 14, 2024
پولیس اہلکار کے مطابق نوجوان کے پاس میچ کا ٹکٹ موجود تھا اور وہ سٹیڈیم میں نریندر ہیروانی گیٹ سے داخل ہوا ، نوجوان ویرات کوہلی کا بڑا مداح ہے اور کافی عرصہ سے ان سے ملنے کی کوشش میں تھا ۔واضح رہے کہ افغانستان اوربھارت کے درمیان ہونیوالے دوسرے ٹی ٹونٹی میچ میں بھارت نے افغانستان کو چھ وکٹوں سے شکست دیدی۔