ایک نیوز: سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ معاشی، ملکی ، اقتصادی اور قومی سلامتی سب خطرے میں پڑ گئے ہیں، اب نوازشریف کو بلائیں اور اسکا بھی سیاسی کام تمام کرائیں۔
سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے سماجی رابطے کی ویب سائٹ ٹوئٹر پر اپنے پیغام میں لکھا کہ الیکشن ناگزیر ہیں، سیاسی بکرے کی ماں کب تک الیکشن سے بھاگے گی، PDM الیکشن سے فراری ہے تو پھر ملک میں وہ کیا چاہتی ہے۔
معاشی سلامتی ملکی سلامتی اقتصادی سلامتی اور قومی سلامتی سب خطرے میں پڑ گئے ہیں۔اب نوازشریف کو بلائیں اور اسکا بھی سیاسی کام تمام کرائیں۔الیکشن ناگزیر ہیں سیاسی بکرے کی ماں کب تک الیکشن سے بھاگے گیPDMالیکشن سے فراری ہے تو پھر ملک میں وہ کیا چاہتی ہے۔ملک میں اہم سیاست شروع ہوگئی ہے
— Sheikh Rashid Ahmed (@ShkhRasheed) January 14, 2023
شیخ رشید نے کہا کہ ملک میں اہم سیاست شروع ہوگئی ہے، 15 جنوری سے 15 اپریل اہم ہیں، 100 دن میں انتخابی شیڈول آئے گا، پنجاب کے بعد کے پی کے اسمبلی تحلیل ہوگی، پھرسندھ اسمبلی سے ممبر واپس اور قومی اسمبلی سے استعفے منظورکرائیں گے۔
سابق وفاقی وزیر کا کہنا تھا کہ بلدیاتی شعبدہ بازی کام نہیں آئے گی، جتنی دیر کریں گے اپنی سیاست ڈھیر کریں گے، بینکوں کے لٹنے کے خوف سے سکیورٹی بڑھا دی گئی ہے۔