ایک نیوز: کاروباری ہفتے کے آخری روز مارکیٹ میں اتارچڑھاؤ کا سلسلہ جاری رہا۔
پاکستان اسٹاک ایکسچینج میں کاروبار کے اختتام پر ہنڈرڈانڈیکس 478 پوائنٹس کی کمی سے 1 لاکھ 12 ہزار 85 پوائنٹس پر بند ہوا۔
اسٹاک مارکیٹ میں دن بھر مجموعی طور پر 432 کمپنیوں کے شیئرز میں کاروبار ہوا ،135 کمپنیوں کے شیئرز کی قیمتوں میں اضافہ جبکہ 237 کے شیئرز میں کمی ہوئی۔
بازار میں 45 کروڑ 70 لاکھ سے زائد شیئرز کا لین دین ہوا ، 23 ارب 21 کروڑ سے زائد مالیت کے شیئرز کے سودے ہوئے ،مارکیٹ کی بلند ترین سطح 113،482 جبکہ کم ترین سطح 111،861 پوائنٹس رہی۔
دوسری جانب انٹر بینک میں ڈالر 5پیسے سستا ہوا، کاروبار کے اختتام پر ڈالر 279روپے 26سے کم ہوکر 279روپے 21پیسے پر بند ہوا۔