ایک نیوز:شہبازشریف کی کا بینہ میں کون کون شامل ہوگا ؟ نام سامنے آگئے ۔
تفصیلات کےمطابق مسلم لیگ ن کے قائد نواز شریف آج مسلم لیگ ن کے صدر شہباز شریف اور دیگر رہنماؤں سے ملاقات کریں گے ، شہبازشریف اتحادیوں سے ملاقات کے حوالے سے نوازشریف کو بریفنگ دیں گے ۔ذرائع کے مطابق شہبازشریف نوازشریف سے کابینہ کے ناموں پر بھی مشاورت کریں گے ۔
ذرائع کے مطابق 25رکنی وفاقی کابینہ بنائے جانے کا امکان ہے ،ایم کیو ایم کو 2 سے 3 وفاقی وزارتیں دینے کیلئے مشاورت ہوگی ، ایم کیو ایم کی جانب سے خالد مقبول صدیقی، فاروق ستار،سید مصطفی کمال، سید امین الحق، خواجہ اظہار الحسن کے نام زیر غورہیں ۔جبکہ:پیپلز پارٹی کو بھی وفاقی کابینہ میں شامل ہونے کیلئے دعوت د ی جائیگی۔
ذرائع کے مطابق مسلم لیگ ن کی جانب سے 15 سینئر رہنمائوں کے نام وفاقی وزیر کے لئے زیر غورہیں جن میں اسحاق ڈار، سردار ایاز صادق، خواجہ آصف کے نام شامل ہیں ۔احسن اقبال،مریم اورنگ زیب ،عطااللہ تارڑکو بھی وفاقی وزارت د یئے جانے کا امکان ہے ۔ریاض الحق جج،بلال اظہر کیانی،سردار اویس احمد خان لغاری، ڈاکٹر طارق فضل چودھری کے نام بھی وفاقی وزیر کے لئے زیر غورہیں ، متوقع طور پرراجہ قمراسلام،رانا تنویر حسین بھی وفاقی کابینہ میں شامل ہوسکتے ہیں۔