ایک نیوز: کراچی کنگز نے اپنے پہلے میچ سے قبل نیا ترانہ ریلیز کردیا ہے۔
رپورٹ کے مطابق ’ یہ ہے کراچی ‘کے عنوان سے کراچی کنگز کا نیا ترانہ نیشنل اسٹیڈیم کراچی میں پشاور زلمی سے ہونے والے میچ سے قبل ریلیز کیا گیا ہے جس میں عاصم اظہر ، علی عظمت اور رامس علی نے اپنی آواز کا جادو جگایا ہے۔کراچی کے ترانہ میں ترانے میں کراچی کنگز کے کپتان عماد وسیم، شعیب ملک ، شرجیل خان اور محمد عامر سمیت دیگر کھلاڑیوں نے بھی پرفارم کیا ہے ۔ کراچی کنگز کے یوٹیوب پیج پر ترانہ ریلیز کیا گیا ہے جسے کچھ ہی گھنٹوں میں 50 ہزار سے زائد مرتبہ دیکھا جاچکا ہے۔
دوسری جانب پی ایس ایل آٹھ کے لیے پشاور زلمی اینتھم دھوم مچانے کو تیار ہے۔ پشاور زلمی اینتھم میں حمزہ علی عباسی منفرد انداز میں جلوہ گر ہیں،حمزہ علی عباسی پی ایس ایل آٹھ کے لیے پشاور زلمی ایمبیسیڈر ہوں گے۔ راک اسٹار التمش اینتھم کے فائنل ووکلسٹ ہوں گے ، جنہوں نے گزشتہ انیتھم میں بھی جاندار آواز سے تہلکہ مچایا تھا۔ خیبر پختونخواہ کے معروف پشتو بینڈ خماریاں بھی زلمی اینتھم کا حصہ ہوں گے۔ خماریاں اس سے قبل پشاور زلمی کے لیے خوبصورت ریجنل اینتھم بناچکے ہیں ۔ اس کے علاوہ امریکن آئیڈل میں شریک ہونیوالے بلال آواز اور مردان سے تعلق رکھنے والے ظہور بھی اینتھم میں شریک ہیں۔زلمی اینتھم کو انٹرنیشنل پروڈیوسر ناٹی بوائے تیار کررہے ہیں ، پشاور زلمی انینتھم آنیوالے دنوں میں ریلیز کیا جائے گا۔