خلاباز8ماہ بعدٹماٹرکھانےکےالزام میں بری

ویب ڈیسک:خلامیں کاشت کیےگئےٹماٹروں میں سےایک ٹماٹرگم ہونےکے8ماہ بعدمل گیا،خلابازٹماٹرکھانےکےالزام میں بری ہوگیا۔
تفصیلات کےمطابق خلاباز فرینک روبیو جو ستمبر میں زمین پر واپس آگئے تھے، کئی مہینوں تک مذاق کا نشانہ بنتے رہے کہ انہوں نے خلاء میں اگایا گیا ٹماٹر کھا لیا۔
غیرملکی میڈیاکےمطابق بین الاقوامی خلائی اسٹیشن کے عملے کے ارکان نے اسٹیشن سے لائیو ویڈیو میں بتایا کہ خلاباز فرینک روبیو کو اب ان الزامات سے بری کر دیا گیا ہے جس میں کہا گیا تھا کہ انہوں خلا میں کاشت کیے گئے پہلے ٹماٹروں میں سے ایک کھا لیا۔
ناسا کے خلاباز جاسمین موگبیلی نے خلائی اسٹیشن کی25 ویں سالگرہ کے موقع پر لائیو اسٹریمنگ پروگرام کے دوران بتایا کہ فرینک روبیو ٹماٹر رکھ کر کہیں بھول گئے تھے جس کے8 ماہ بعد اس ٹماٹر کی باقیات ملی ہیں۔
جاسمین نے مزید کہا کہ ہمارے اچھے دوست فرینک روبیو پر کافی عرصے سے ٹماٹر کھانے کا الزام تھا لیکن اب ٹماٹر مل گیا ہے۔
واضح رہے کہ فرینک روبیو جو ستمبر میں زمین پر واپس آگئے تھے، کئی مہینوں تک مذاق کا نشانہ بنتے رہے کہ انہوں نے خلاء میں اگایا گیا ٹماٹر کھا لیا۔
علاوہ ازیں خلابازوں نے یہ واضح نہیں کیا کہ ٹماٹر کہاں سے ملا اور اس کی حالت کی تفصیلات نہیں بتائیں۔ تاہم فرینک روبیو نے پہلے ہی پیش گوئی کی تھی کہ خلائی اسٹیشن پر موجود نمی کی وجہ سے ٹماٹر کی حالت بوسیدہ ہوچکی ہوگی۔