ایک نیوز: افغانستان کے صوبہ خوست میں ایک ہوٹل پر ڈرون حملے کی اطلاعات ہیں۔ بتایا جاتا ہے کہ اس ہوٹل پر حافظ گل بہادر گروپ کے پاکستانی طالبان کا اکثر آنا جانا تھا۔
ابتدائی اطلاعات کے مطابق حملے میں گل بہادر گروپ کے متعدد جنگجو نشانہ بنے ہیں۔
ایک ذریعے نے بتایا کہ کم ازکم 20 افراد زخمی ہوئے ہیں۔
ذرائع کا دعویٰ ہے کہ حملے کے ہدف حافظ گل بہادر خود تھے۔
مقامی ذرائع کا کہنا ہےکہ حملہ ڈرون کے ذریعے کیا گیا۔
پاکستانی اور افغان سیکورٹی ذرائع نے حملے کی تصدیق کی ہے تاہم سرکاری طور پر کوئی بیان سامنے نہیں آیا۔