ایک نیوز : لنکا پریمیئر لیگ 2023 کے میچ کے دوران میدان میں سانپ نکل آیا جس سے کچھ دیر کے لیے اسٹیڈیم میں خوف و ہراس کا سماں پیدا ہو گیا۔
تفصیلات کےمطابق کرکٹ کی مشہور ویب سائٹ وزڈن ڈاٹ کام کی رپورٹ کے مطابق گال ٹائٹنز اور ڈمبولا اورا کے درمیان لیگ کے میچ میں جب شکیب الحسن کولمبو کے آر پریماداسا اسٹیڈیم میں باؤلنگ کرنے آئے تو اس موقع پر اسٹیڈیم میں سانپ نکل آیا۔
اس موقع سری لنکن کرکٹر اسورو یوڈانا اسی جگہ پر فیلڈنگ کررہے تھے جہاں سانپ نکلا تھا اور وہ اس کی جانب بڑھ رہے تھے کہ اسی دوران ان کی نظر سانپ پر پڑی اور وہ فوری طور پر پیچھے ہٹ گئے ،اس مرحلے پر میدان میں موجود عملے کے ایک شخص نے سانپ کو باؤنڈری سے باہر کی راہ دکھائی جس کے بعد میچ کو دوبارہ شروع کردیا گیا۔
واضح رہے کہ یہ لنکا پریمیئر لیگ میں میچ کے دوران سانپ نکلنے کا واقعہ دوسری بار پیش آیا ہے جہاں اس سے قبل انہیں دونوں ٹیموں کے درمیان یکم اگست کو کھیلے گئے میچ میں بھی سانپ نے میدان کا رخ کیا تھا۔جمعہ کو کھیلے گئے ٹورنامنٹ کے میچ 15 میں بی-لو کینڈی نے جافنا کنگز کے خلاف بیٹنگ کا فیصلہ کیا تھا۔
Lucky escape for @IAmIsuru17 from the RPS snake #LPL2023 ???????????????? pic.twitter.com/OnYokQxzvW
— Azzam Ameen (@AzzamAmeen) August 13, 2023
یہ پہلا موقع نہیں کہ میچ کے دوران میدان میں سانپ داخل ہوا بلکہ ماضی میں بھی کرکٹ کے میدانوں میں سانپ داخل ہو چکے ہیں۔قبل ازیں 08-2007 میں انگلش فیلڈرز نے کولمبو میں سری لنکن بورڈ پریذیڈنٹ الیون کے خلاف اپنے میچ کے دوران سانپ کی ممکنہ موجودگی کی وجہ سے ڈیپ فائن لیگ پر کھڑے ہونے سے انکار کر دیا۔