ایک نیوز:آئی پی ایل سے بھی مہنگی کرکٹ لیگ سامنے آگئی۔سعودی عرب نے کرکٹ ٹی20 لیگ کا منصوبہ تیار کر لیا۔
آسٹریلوی میڈیا کے مطابق مہنگی ترین لیگ کے لیے سعودی عرب حکومت نے انڈین پریمیئر لیگ کے مالکان سے بات کی ہے۔
آسٹریلوی میڈیا کا کہنا ہے کہ سعودی حکام نے ٹی ٹوئنٹی کرکٹ کی مہنگی ترین لیگ کو اپنا اگلا منصوبہ قرار دیا ہے۔ بھارتی کھلاڑیوں پر اپنے بورڈ کی جانب سے دیگر لیگز میں شرکت پر پابندی ہے اور سعودی عرب کے حکام کی تجویز کے بعد قوانین میں نرمی کیے جانے کا امکان ہے۔
رپورٹس کے مطابق سعودی عرب میں لیگ کے حوالے سے بات چیت ایک برس پہلے شروع ہوئی، آئی سی سی چیئرمین گریگ بارکلے نے ایک انٹرویو میں سعودی سرمایہ کاری کی دلچسپی کی تصدیق کی تھی۔آسٹریلوی میڈیا کے مطابق سعودی حکام پُرامید ہیں کہ دنیا کے لیے کرکٹ کا اگلا پڑاؤ سعودی عرب ہو گا۔