ایک نیوز: ماڈل نیہا راجپوت اور سابق گورنر پنجاب مقتول سلمان تاثیر کے بیٹے شہباز تاثیر کے ہاں دوسرے بیٹے کی پیدائش ہوئی ہے۔
نیہا اور شہباز تاثیر کی شادی ستمبر 2021 میں ہوئی تھی، جس کی ویڈیوز سوشل میڈیا پر کافی وائرل بھی ہوئی تھیں۔ ان کے ہاں پہلے بیٹے کی پیدائش مئی 2022 میں ہوئی تھی اور اب جوڑے کے ہاں دوسرے بیٹے کی آمد ہوئی ہے جس کا نام سلمان رافیل تاثیر رکھا گیا ہے۔
Salmaan Rafael Taseer - sweetest little man ❤️ pic.twitter.com/YTFaeq6XV3
— Shahbaz Taseer (@ShahbazTaseer) September 13, 2023
جوڑے کے ہاں دوسرا بیٹا 11 ستمبر کو پیدا ہوا تھا جس کا اعلان شہباز تاثیر نے اپنی ٹوئٹ کے ذریعے کیا تھا۔
انہوں نے لکھا تھا کہ ’میری بیوی نے بیٹے کو جنم دیا ہے، جس کا نام سلمان رافیل تاثیر رکھا گیا ہے‘، انہوں نے مزاحیہ انداز میں لکھا کہ ’ماں اور بچہ دونوں خیریت سے ہیں لیکن برائے مہربانی میرے لیے دعا کریں‘۔