ایک نیوز نیوز: پاکستانی ڈرامہ سیریل صنفِ آہن میں اداکاری کے جوہر دکھانے والی سری لنکن اداکارہ یہالی تاشیا کالی داسا بھی قومی فاسٹ باؤلر نسیم شاہ کی تعریف کیے بنا نہیں رہ سکی ہیں۔
رپورٹ کے مطابق ایشیا کپ میں اپنی کارکردگی سے سب کو متاثر کرنے والے نسیم شاہ شوبزستاروں کی نظر میں بھی رہے ہیں۔
یہالی تاشیا کی جانب سے انسٹاگرام اسٹوری پر میچ کی کچھ جھلکیاں شیئر کی گئی جن میں نسیم شاہ موجود ہیں۔ اداکارہ نے ویڈیو کے کیپشن میں تو کچھ نہیں لکھا لیکن انہوں نے پسندیدگی کا اظہار ایموجیز کے ذریعے کیا ہے۔
سری لنکن اداکارہ کی جانب سے شیئر کی گئی ویڈیو سوشل میڈیا پر وائرل ہورہی ہے۔
واضح رہے کہ اس سے قبل بالی وڈ اداکارہ اروشی روٹیلا کی جانب سے بھی اپنے انسٹاگرام پر نسیم کی ایڈٹ شدہ ویڈیو شیئر کی تھی جو بہت وائرل ہوئی تھی۔ جس کے بعد اروشی نے وضاحت کرتے ہوئے بتایا کہ ویڈیو ان کی ٹیم نے لگائی تھی اور اس میں کچھ خاص نہ تھا۔
نسیم شاہ نے بھی میڈیا سے بات کرتے ہوئے ایک سوال کے جواب میں بتایا تھا کہ انہیں اس سب کے بارے میں علم نہیں ہے۔ ان کا فوکس صرف کرکٹ پر ہے اور وہ اروشی کو نہیں جانتے ہیں۔