انگلینڈ کیخلاف دوسرے اور تیسرے ٹیسٹ کیلئےسکواڈ کا اعلان، بابر اعظم ،شاہین ،نسیم،سرفراز آئوٹ

ایک نیوز(چودھری اشرف)پاکستان نے انگلینڈ کے خلاف دوسرے اور تیسرے ٹیسٹ کیلئے سکواڈ کا اعلان کر دیا، بابر اعظم کو دوسرے ٹیسٹ سے ڈراپ کر دیا گیا۔
سلیکٹرز نے بابر اعظم کو دوسرے ٹیسٹ میچ میں آرام کا مشورہ دے دیاہے، ٹیسٹ میچوں کی گزشتہ 18 اننگز میں بابر اعظم ایک ففٹی بھی نہیں بنا سکے ہیں ، انہوں نے دسمبر 2022ء کے بعد سے کوئی بڑی اننگز نہیں کھیلی ہے۔    
دوسری جانب پاکستان نے انگلینڈ کے خلاف دوسرے اور تیسرے ٹیسٹ کے لیے سکواڈ کا اعلان کر دیا، بابراعظم ، شاہین شاہ آفریدی، نسیم شاہ اور سرفراز احمدکو آرام دینے کا فیصلہ کیا گیا ہے،میچ بالترتیب 15 اور 24 اکتوبر کو ملتان اور راولپنڈی میں کھیلے جائیں گے۔
اہم کھلاڑیوں کی موجودہ فارم اور فٹنس کو مدنظر رکھتے ہوئے اور 2024-25 کے بین الاقوامی کرکٹ سیزن میں پاکستان کی مستقبل کی ذمہ داریوں کو دیکھتے ہوئے سلیکٹرز نے بابر اعظم، نسیم شاہ، سرفراز احمد اور شاہین شاہ آفریدی کو آرام دینے کا فیصلہ کیا ہے۔ 
ابرار احمد، (جو ڈینگی بخار سے صحت یاب ہو رہے ہیں، انتخاب کے لیے دستیاب نہیں تھے)چاروں کھلاڑیوں کی جگہ حسیب اللہ ، مہران ممتاز، کامران غلام ، فاسٹ بولر محمد علی، اور آف اسپنر ساجد خان کو شامل کیا گیا ہے۔
 نعمان علی اور زاہد محمود جو کہ ابتدائی طور پر اصل اسکواڈ کا حصہ تھے لیکن بعد میں انہیں ریلیز کر دیا گیا تھا  انہیں بھی 16 کھلاڑیوں کے سکواڈ میں شامل کیا گیا ہے،شان مسعود (کپتان) سعود شکیل (نائب کپتان) عامر جمال، عبداللہ شفیق، حسیب اللہ (وکٹ کیپر) کامران غلام، مہران ممتاز، میر حمزہ، محمد علی، محمد ہریرہ، محمد رضوان (وکٹ کیپر) نعمان علی، صائم ایوب، ساجد خان، سلمان علی آغا اور زاہد محمود شامل ہیں۔
عاقب جاوید مینز نیشنل سلیکشن کمیٹی کے رکن کا کہنا ہے کہ انگلینڈ کے خلاف آئندہ ٹیسٹ کے لیے ٹیم کا انتخاب سلیکٹرز کے لیے ایک مشکل کام رہا ہے، ہمیں کھلاڑ یو ں کی موجودہ شکل سیریز میں واپسی کی عجلت اور پاکستان کے 2024-25 کے بین الاقوامی شیڈول پر غور کرنا تھا۔ 
انہوں نے کہا کہ ان عوامل کو ذہن میں رکھتے ہوئے اور پاکستان کرکٹ کے ساتھ ساتھ کھلاڑیوں کے بہترین مفاد میں  ہم نے بابر اعظم، نسیم شاہ، سرفراز احمد اور شاہین شاہ آفریدی کو آرام دینے کا فیصلہ کیا ہے، ہمیں یقین ہے کہ بین الاقوامی کرکٹ سے اس وقفے سے ان کھلاڑیوں کو ان کی فٹنس، اعتماد اور سکون بحال کرنے میں مدد ملے گی۔
دریں اثنا، حسیب اللہ اور مہران ممتاز، جو اے سی سی ایمرجنگ ٹیمز ایشیا کپ کے لیے پاکستان شاہینز کے سکواڈ کا حصہ تھے ان کی جگہ معاذ صداقت اور روحیل نذیر کو شامل کیا گیا ہے،ٹورنامنٹ 18 اکتوبر سے اومان میں کھیلا جائے گا۔