ورلڈکپ:پاک بھارت میچ دیکھنےکیلئےذکااشرف احمدآبادپہنچ گئے

ایک نیوز: پاکستان کرکٹ بورڈ(پی سی بی)کےچیئرمین ذکااشرف ورلڈکپ میں پاکستان بھارت کامیچ دیکھنےاحمدآبادپہنچ گئے۔
تفصیلات کےمطابق بھارتی کرکٹ بورڈکی دعوت پرذکااشرف بھارت گئےہیں،وہ14اکتوبرکو احمد آباد میں پاک بھارت میچ دیکھیں گے۔
 بھارتی کرکٹ بورڈ (بی سی سی آئی) کے اعزازی سیکرٹری جے شاہ نے پاکستان کرکٹ بورڈ (پی سی بی) کے چیئرمین ذکا اشرف کو ان کے بھارت کے دورے کے موقع پر خوش آمدیدکہا۔
اس کے علاوہ چیئرمین ذکا اشرف بھارتی کرکٹ بورڈکے آفیشلز سے ملاقاتیں بھی کریں گے جس کے بعد وہ16 اکتوبر کو وطن واپس آئیں گے۔
دوسری جانب بھارت روانہ ہونے سے قبل ذکا اشرف کا کہنا تھا کہ وہ اس اہم موقع پر اپنی ٹیم کی سپورٹ کو بہت ضروری سمجھتے ہیں، پاکستانی ٹیم اپنی سخت محنت اور جذبے سے اس مرحلے تک پہنچی ہے اور انہیں امید ہےکہ وہ اپنی بہترین کارکردگی سے ہمیں فخرکرنےکا موقع فراہم کرےگی۔