ایک نیوز:پاک فوج کے شعبہ تعلقات عامہ آئی ایس پی آر کے مطابق مراکش کی شاہی فضائیہ کے انسپکٹر میجر جنرل محمد گادی کی ایئر چیف مارشل ظہیر احمد بابر سدھو سے ملاقات ہوئی۔
مراکشی فضائیہ کے سربراہ اور ایئر چیف کی ملاقات ایئر ہیڈ کوارٹرز اسلام آباد میں ہوئی، پاک مراکش فضائی افواج کے سربراہوں کا باہمی دلچسپی کے امور بشمول عسکری تعاو ن ، مشترکہ تربیت اور صنعتی شعبے میں اشتراک کار پر تبادلہ خیال کیا گیا۔
ایئر ہیڈ کوارٹرز آمد پر پاک فضائیہ کے چاک و چوبند دستے نے مراکشی فضائیہ کے سربراہ کو گارڈ آف آنر پیش کیا ،چیف آف ائیر سٹاف ایئر چیف مارشل ظہیر احمد بابر سدھو نے مراکشی فضائیہ کے سربراہ کے پہلے دورہ پاکستان پر نیک تمناؤں کا اظہار کیا۔
ائیر چیف نے برادر ممالک کے دو طرفہ تاریخی تعلقات کو اجاگر کیا، ائیر چیف نے پاکستان اور مرا کش کے درمیان عسکری شراکت داری کو مشترکہ تربیت کے حوالے سے مزید فروغ دینے کے عزم کا اظہارکیا۔
کیپشن: Moroccan Air Force Chief and Air Chief meet, discuss issues of mutual interest