ایک نیوز: پاکستان اور آسٹریلیا کے مابین ٹی ٹونٹی سیریز کا پہلا میچ کل کھیلا جائے گا ۔
دونوں ٹیموں کے درمیان میچ برسبین میں دن ایک بجے شروع ہوگا ،محمد رضوان کی قیادت میں نوجوان کھلاڑیوں کو موقع دیا جائیگا ۔
تین میچز کی سیریز کا دوسرا میچ سڈنی جب کہ تیسرا ہوبارٹ میں کھیلا جائے گا ، پاکستان نے میزبان آسٹریلیا کے خلاف تین ون ڈے میچز کی سیریز دو ایک سے جیتی تھی۔
خیال رہے کہ گزشتہ روز ون ڈے کے آخری میچ میں پاکستان نے 22سال بعدآسٹریلیاکو ون ڈے سیریز میں شکست دی تھی۔
پاکستان اور آسٹریلیا کے درمیان ایک روزہ سیریز کا فیصلہ کن میچ کھیلا گیا جہاں پاکستانی بولرز کی شاندار کارکردگی نے میزبان ٹیم کو 140 رنز پر ڈھیر کردیا، پاکستان اور آسٹریلیا کے مابین تیسرے میچ میں پاکستان نےٹاس جیت کر باولنگ کا فیصلہ کیا،آسٹریلیانے پاکستان کو جیت کیلئے 141رنز کا ہدف دیا تھا۔