ایک نیوز نیوز: بھارت کی عام آدمی پارٹی کے مقامی رہنما دہلی میونسپل کارپویشن کے کونسلر کی ٹکٹ نہ ملنے پر ٹرانسمشن ٹاور پر چڑھ گئے، میڈیا اورپولیس موقع پر پہنچ گئے منت سماجت کرکے نیچے اتارا۔
رپورٹ کے مطابق حسیب ا لحسن کا دعویٰ ہے کہ AAP لیڈروں نے آخری لمحات میں ان کا ٹکٹ منسوخ کر کے انہیں دھوکہ دیااور تین کروڑ روپے رشوت دینے والے مخالف ا میدوارکو ٹکٹ دیدی گئی ہے۔
حسیب الحسن نے کہا کہ وہ آئندہ ایم سی کے لیے
’’آپ‘‘ کی جانب سے ٹکٹ نہ ملنے پر ناراض ہیں، اطلاع ملتے ہی پولیس موقع پر پہنچ گئی۔ حسیب الحسن مشرقی دہلی کے گاندھی نگر سے AAP کونسلر ہیں۔ حسن کو امید تھی کہ انہیں اس حلقے سے ٹکٹ ملے گا اور انہیں تمام دستاویزات جمع کرانے کو کہا گیا۔ انہوں نے الزام لگایا کہ ان کے اصل کاغذات انہیں واپس نہیں کئے گئے ہیں۔تاہم یہ پہلا موقع نہیں جب انہوں نے ایسا قدم اٹھایا ہو۔ سستی شہرت کے لئے وہ ایسے اقدامات اٹھانے کے لئے معروف ہیں اور کہا جاتا ہے کہ میڈیا کی توجہ کے لئے وہ کچھ بھی کرسکتے ہیں ۔ اس سے قبل مارچ میں حسیب الحسن کو نالے کی صفائی کے لیے چھلانگ لگاتے ہوئے دیکھا گیا تھا، جس کے بعد انھوں نے دودھ سے نہایا تھا۔