کراچی:پیپلزپارٹی کا جلسہ،ٹرینوں کاشیڈول تبدیل

ایک نیوز: پاکستان پیپلزپارٹی کے جلسے کے باعث سٹی ریلوے اسٹیشن سے چلنے والی ٹرینیں کینٹ ریلوے اسٹیشن سے چلائی جائیں گی۔
تفصیلات کےمطابق کراچی کے اولڈ سٹی ایریا میں آئی آئی چندریگر روڈ پرآج پاکستان پیپلز پارٹی کے جلسے کی وجہ سے کراچی سٹی ریلوے اسٹیشن کی طرف آنے اور جانے والے راستے بند کردیے گئے ہیں۔ 
ترجمان ریلوےکاکہناہےکہ اس بنا پر مسافروں کو سٹی اسٹیشن پہنچنے میں دشواری کا خدشہ ہے اور اسی وجہ سے ہزارہ ایکسپریس، سکھر ایکسپریس اور شاہ لطیف ایکسپریس سٹی ریلوے اسٹیشن کے بجائے کینٹ ریلوے اسٹیشن سے چلائی جائیں گی اور اسی طرح کراچی پہنچنے والی ان ٹرینوں کا آخری اسٹاپ بھی کینٹ اسٹیشن ہوگا۔ 
ترجمان ریلوے نے مسافروں سے التماس کی ہے کہ آنے اور جانے کیلئے کراچی کینٹ اسٹیشن کو استعمال کریں۔