بپر جوئے: سجاول اور ٹھٹھہ میں پاک فوج کے دستے تعینات

ایک نیوز :پاک فوج کے تازہ دم دستے ممکنہ سمندری طوفان بپرجوئے سے نمٹنے کے لیے  ٹھٹھہ اور سجاول میں بھی تعینات کردئیے گئے۔ 
تفصیلات کےمطابق جی او سی حیدر آباد ڈویژن نے سائیکلون کے سلسلے میں کیٹی بندر ضلع ٹھٹھہ اور سجاول کے علاقوں کا دورہ کیا۔ انہوں نے سول انتظامیہ، پولیس اور رینجرز کو انخلاء کے جاری عمل کو تیز کرنے اور عقبی علاقوں میں قائم سیٹلمنٹ کیمپوں میں لوگوں کو رہنے کی ہدایت کی۔ممکنہ سمندری طوفان بائیپر جوائے سے بچنے کے لیے حفاظتی اقدامات کا جائزہ بھی لیا۔ پاک فوج عوام کو مشکل وقت میں کسی صورت تنہا نہیں چھوڑی گی۔