ویب ڈیسک:حکومت نے سال 2025 میں عام تعطیلات کے حوالے سے نوٹیفکیشن جاری کیا ہےجس کے مطابق رواں سال 40چھٹیاں ہوں گی۔
ایک رپورٹ کے مطابق حکومت کیجانب سے جاری کردہ نوٹیفکیشن میں40عام تعطیلات ہونگی، رواں سال17عام تعطیلات اور23اختیاری چھٹیاں ہوں گی۔
نوٹیفکیشن کے مطابق 5 فروری 2025 کو یوم کشمیر جب کہ 23 مارچ 2025 کو یوم پاکستان، یکم مئی 2025 کو یوم مزدور اور یوم تکبیر کے موقع پر 28 مئی 2025 کو عام تعطیل ہوگی۔
حکومت کے نوٹیفکیشن کے مطابق 30 ،31 مارچ اور یکم اپریل 2025 کو عید الفطر کی 3 چھٹیاں ہوں گی جب کہ 7 سے 9 جون 2025 کو عیدالاضحی کی 3 چھٹیاں ہوں گی۔
نوٹیفکیشن کے مطابق 5 اور 6 جولائی 2025 کو 9 اور 10 محرم الحرام کی چھٹیاں ہوں گی، 14 اگست 2025کو یوم آزادی، 5 یا 6 ستمبر 2025 کو عید میلاد النبیﷺ کی مناسبت سے عام تعطیل ہوگی۔
9نومبر 2025کو یوم اقبال، 25 دسمبر 2025 کو یوم قائداعظم/کرسمس کی عام تعطیل ہوگی جب کہ 26 دسمبر 2025 کو مسیحی ملازمین کے لیے یوم کرسمس کے بعد کی عام تعطیل ہوگی۔
نوٹیفکیشن میں کہا گیا ہے کہ 2025کے لیے اسلامی چھٹیاں متوقع تاریخ کے حساب سے طے کی گئی ہیں، چاند کی رویت کے مطابق بھی چھٹیوں کا الگ نوٹیفکیشن جاری کیا جائے گا۔
کیپشن: How many holidays will there be in the year 2025? Notification continues