ویب ڈیسک:بھارتی شہری نے55گھنٹےاور15منٹ تک پنچنگ بیگ پرمکےمارکر گینیز ورلڈ ریکارڈ نام کر لیا۔
تفصیلات کےمطابق 42 سالہ مارشل آرٹسٹ سدھو کو یہ کارنامہ انجام دینے کے لیے گینیز ورلڈ ریکارڈز کے قواعد کے مطابق ہر دو سیکنڈ میں کم از کم ایک مکا مارنا تھا جبکہ ان کو ہر گھنٹے میں پانچ منٹ کا وقفہ لینے کی اجازت تھی۔
گینیز ورلڈ ریکارڈز سے بات کرتے ہوئے سدھو کا کہنا تھا کہ وہ پچھلے 25 برسوں سے مارشل آرٹس کی مشقیں کر رہے ہیں۔ وہ اپنے ملک کے لیے کچھ کرنا چاہتے تھے اس لیے انہوں نے یہ ورلڈ ریکارڈ بنانے کا فیصلہ کیا۔
سدھو نے یہ ریکارڈ 5 منٹ فرق سے اپنے نام کیا۔
ان کا کہنا تھا کہ تقریباً 20 گھنٹوں تک مکے مارنے کے بعد انہیں تکلیف محسوس ہونا شروع ہوئی۔ اس وقت انہوں نے خود کو یاد دلایا کہ یہ ان کی برداشت کا امتحان ہے۔ ان کا ماننا تھا کہ اگر وہ جذباتی طور پر مضبوط رہے تو وہ درد کو برداشت کر سکتے ہیں۔
کیپشن: Punching a punching bag for 55 hours is a world record