پشاور زلمی کی خصوصی خیبر ایڈیشن اوے کٹ لانچ

ویب ڈیسک: پاکستان سپر لیگ میں ہمیشہ سے منفرد کٹس اور اینتھم لانچ کرنے والی پشاور زلمی نے پی ایس ایل کے نویں ایڈیشن کے لیے خصوصی خیبر ایڈیشن اوے کٹ لانچ کردی۔
سی جی آئی ٹیکنالوجی کے ذریعے تیار کی گئی اس جرسی کو تاریخی باب خیبر اور اسلامیہ کالج سے منسلک کیا گیا ہے جس کا مقصد خیبر پختونخواہ کی ثقافت کو دنیا بھر میں اجاگر کرتے ہوئے آنے والے سیزن کے لیے فینز کے جوش و خروش میں اضافہ کرنا ہے۔پشاور زلمی خیبرپختونخوا، اس کے دارالحکومت پشاور اور اس کی روایت سے جڑی ہوئی ہے اور خیبرایڈیشن پلیئنگ کٹ اور ٹریننگ کٹ کو باب خیبر اور ارباب نیازاسٹیڈیم سے جوڑنا اسی جذبے کی عکاسی کرتا ہے کہ پشاور زلمی اپنے ہوم گراونڈ ارباب نیاز میں اپنے پرجوش شائقین کے سامنے کھیلنے کے لیے بے تاب ہے۔