ویب ڈیسک: بالی ووڈ اداکارہ جیکولین فریننڈس دھمکیاں ملنے کے بعد جیل میں قید سکیش چندرشیکھرکے خلاف پولیس سٹیشن پہنچ گئیں۔
بھارتی میڈیا کے مطابق جیکولین فرنینڈس نے جان کی دھمکیاں ملنے اور ہراساں کرنے کے واقعات کے بعد انڈر ورلڈ کے ڈان اور اپنے دوست سکیش چندرشیکھر کے خلاف ایف آئی آر درج کروا دی۔
اداکارہ نے دہلی کے پولیس کمشنر کو خط بھی لکھا جس میں معاملے کا فوری نوٹس لینے اور کارروائی کرنے کی درخواست کی گئی ہے۔ جیکولین فرنینڈس کا کہنا ہے کہ وہ دھمکیاں ملنے کے بعد سے مسلسل نفسیاتی دباؤ میں نہیں اور انہیں نشانہ بنائے جانے کا ڈر ہے۔
گزشتہ سال دسمبر میں بھی جیکولین فرنینڈس نے سکیش چندر کی جانب سے لکھے گئے خط اور بیانات پر عدالت سے رجوع کر کے سکیش کے خلاف کارروائی کی درخواست کی تھی۔
بھارتی اداکارہ جیکولین فرنینڈس 200 کروڑ کی منی لانڈرنگ کیس میں ملوث مرکزی ملزم سکیش چندرشیکھر کی گرل فرینڈ رہ چکی ہیں۔ سکیش چندر جیل سے بھی جیکولین فرنینڈس سے متعلق بیانات دیتا رہتا ہے اور اداکارہ کو جیل سے لو لیٹرز بھی لکھ چکا ہے۔