ایک نیوز: ایس ایچ او ریلویز پشاور کینٹ نے معصوم شہریوں کی قاتل ڈور کی بذریعہ ٹرین اسمگلنگ کی کوشش ناکام بنا دی۔
رپورٹ کے مطابق ایس ایچ او ریلویز پشاور کینٹ نے سٹیشن کے پارسل آفس میں چھاپہ مارا جہاں سے سینکڑوں کی تعداد میں پتنگیں اور ڈور برآمد ہوئی ہے۔ ایس ایچ او ریلویز پشاور کینٹ کا کہناہے کہ پتنگیں اور ڈور کارگو کے منشی سے برآمد ہوئی ہیں۔ پتنگوں اور ڈور کو ایک کارٹن میں چھپایا ہوا تھا،کارٹن کو فیصل آباد کے لئے بک کیا گیا تھا۔ کارٹن کی تلاشی لینے پر اس میں سے 135 پتنگیں اور ڈور کی چرخیاں برآمد ہوئی ہیں، ملزم کو گرفتار کر کے تھانہ ریلویز پشاور کینٹ میں مقدمہ درج کر لیا گیا ہے۔
واضح رہے کہراولپنڈی پولیس کا پتنگ فروشوں کے خلاف کریک ڈاؤن جاری جاری میں جس میں ملوث7 ملزمان کو گرفتار کیا۔ ملزمان سے 600سے زائد پتنگیں اور14 ڈوریں برآمد کی گئی تھی۔ راولپنڈی سول لائن پولیس نے کارروائی کرتے ہوئے03ملزمان شہروز،احمد اور عدیل سے300پتنگیں اور06ڈوریں کی ہیں۔ بنی پولیس نے کارروائی کر تے ہوئے ملزم طیب سے50پتنگیں اور02ڈوریں جبکہ ملزم احمد سے45پتنگیں اور02ڈوریں برآمد کی ۔
نصیر آباد پولیس نے کارروائی کرتے ہوئے ملزم حسنین سے 150پتنگیں اور02 ڈوریں اور ملزم گلفام سے60پتنگیں اور 02ڈوریں برآمد کی ۔ راولپنڈی پولیس کا کہناتھا کہ پتنگ بازی اور پتنگ فروشی جیسے غیر قانونی فعل میں ملوث ملزمان کے خلاف کریک ڈاؤن میں مزید تیزی لائی جارہی ہے۔
راولپنڈی میں آراے بازار پولیس پتنگ فروش محمدفہیم سے 500پتنگیں اور60ڈوریں،بنی پولیس نے 02پتنگ فروشوں عثمان اوراویس نے 200پتنگیں اور02ڈویں برآمد کی تھی جبکہ گنجمنڈی پولیس نے 05پتنگ فروشوں انوارالحق، حمزہ،علی احمد فیض الرحمان اورمحمد علی سے 800 پتنگیں اور صادق آباد پولیس نے پتنگ فروش طیب سے 50پتنگیں برآمد کرکے ملزمان کے خلاف الگ الگ مقدمات درج کیے۔