ایک نیوز نیوز: ٹک ٹاک اسٹار سحر حیات اور نوجوان گلوکار سمیع رشید کی شادی کی تقریبات کا آغاز ہوگیا ۔ جس پر مداح ( خوشی اور غم ) ملے جلے ردعمل کا اظہار کررہے ہیں۔
ٹک ٹاکر سحر حیات نے پیر کو اپنی شادی کی خبروں اور تصاویر سے اپنے مداحوں کو حیران کردیا۔سوشل میڈیا پر ہیش ٹیگ '' sehar hayat wedding'' اس وقت ٹاپ ٹرینڈ کررہا ہے۔ مداحوں کی بڑی تعداد سحرحیات کی مایوں تقریب کی تصویریں اور ویڈیوز شیئر کررہی ہیں۔
انسٹاگرام پر سحرحیات نے اپنی مہندی کی تصاویر شیئر کیں جس میں ان کے ہونے والے شوہر سمیع رشید بھی ان تصاویر میں نظر آرہے ہیں۔ تصویر کیساتھ کیپشن میں لکھا ہوا ہے کہ ، "ہم نے آپ کو جوڑوں میں بنایا ہے۔"
سحر حیات کے ہونےوالے خاوند سمیع رشید ایک گلوکار اور گیت نگار ہیں جنہیں آن لائن ہزاروں لوگ فالو کرتے ہیں۔ سحر اور سمیع حال ہی میں ایک گانے '' میرا یار ہے پردیسی'' میں نظر آئے۔ جس کے بعد دونوں نے اچانک ایک دوسرے کا جیون ساتھی بننے کا فیصلہ کیا۔
واضح رہے کہ ٹک ٹاکر سحر حیات اور علی فیاض میں دوستی کی خبریں سرگرم تھیں۔ دونوں اکٹھے ٹک ٹاک پر اکثر نظر آتے تھے جس کے بعد اچانک بریک اپ ہوگیا۔ مداحوں کا خیال تھا کہ سحر اور علی دوبارہ اکٹھے ہوجائیں گے اور شادی کریں گے لیکن سحرحیات کی اچانک شادی تقریبات کا سن کر کچھ مداح افسردہ ہوگئے ہیں۔