سونے کی قیمت مستحکم رہنے کے بعداچانک بڑا اضافہ 

ایک نیوز: صرافہ مارکیٹ میں سونے کی قیمت میں اضافہ ہوا ہے، سونے کی فی تولہ قیمت میں 1200 روپے کا اضافہ دیکھا گیا۔
 سونا 2 لاکھ 57 ہزار 700 روپے فی تولہ ہوگیا ، 10 گرام سونے کی قیمت میں 1029 روپے کا اضافہ ہوا،10 گرام سونا 2 لاکھ 20 ہزار 936 روپے پر پہنچ گیا ۔
 عالمی مارکیٹ میں سونا 19 ڈالر کے اضافے سے 2458 ڈالر فی اونس کا ہوگیا ، چاندی کی فی تولہ قیمت 2 ہزار 850 روپے پر مستحکم رہی ہے۔
خیال رہے کہ گزشتہ 2روز سے سونے کی قیمت مستحکم تھی جس کی وجہ سے قیمت میں کوئی ردوبدل نہیں کی گئی تھی۔