ایک نیوز: عیدالفطر کے سلسلہ میں پرائیویٹ سکولوں میں چھٹیوں کا اعلان کر دیا گیا۔
تفصیلات کے مطابق بیشتر پرائیویٹ سکول میں 21 تا 24 اپریل تک چھٹیاں ہوں گی،عید الفطر کے بعد پرائیویٹ سکول25اپریل سےدوبارہ کھلیں گے ۔
دوسری جانب عید الفطر پر ملک بھر میں کتنی چھٹیوں کا اعلان کیا جائےگا ، کابینہ ڈویژن سے بھی بڑی خبر آ گئی ،عید کیلئے 4 سے 5 چھٹیوں کی تجویز وزیراعظم ہاؤس کو ارسال کی جائیں گی، وزیراعظم فیصلہ کریں گے کہ چھٹیاں کب سے کب تک ہوں گی۔
ذرائع کے مطابق اگر عید جمعے کو ہوئی تو 20 سے 23 اپریل تک چھٹیاں ہوں گی لیکن اگر عید ہفتے کو ہوئی تو 20 سے 24 اپریل تک چھٹیاں دی جا سکتی ہیں،وزیراعظم کی منظوری کے بعد کابینہ ڈویژن عید کی تعطیلات کا باضابطہ نوٹیفکیشن جاری کر ے گی ۔
عیدالفطر کی آمد پرصوبائی دارالحکومت لاہور میں نجی سکولوں میں چھٹیوں کا اعلان کر دیا گیا،بیشتر پرائیویٹ سکولوں میں 21 تا 24 اپریل تک چھٹیاں ہوں گی،عید الفطر کے بعد پرائیویٹ سکول25اپریل سے دوبارہ کھلیں گے۔