ٹاس جیتنےکیلئےہیڈیاٹیل کس کاانتخاب کرناچاہیے؟سائنسدانوں کاانوکھاانکشاف

ایک نیوز:ٹاس جیتنےکیلئےہیڈیاٹیل میں سےکس کاانتخاب کرناچاہیے،سائنسدانوں نےاس بارےمیں اہم دریافت کرلی۔
تفصیلات کےمطابق کرکٹ میں ٹاس کوبہت زیادہ اہمیت حاصل ہوتی ہے،کیونکہ سارےکھیل کادرمدرٹاس پرہوتاہےجوبھی ٹیم ٹاس جیت جائےگی وہ اپنی مرضی کافیصلہ کرسکتی ہےکہ پچ پرپہلےبیٹنگ کرنی ہےیاباؤلنگ کرنی ہے۔
 سائنسدانوں کے مطابق ٹاس کے دوران ہیڈ یا ٹیل کا انتخاب کرتے ہوئے یہ دیکھ لیں کہ سکے کا کونسا رخ اوپر نظر آرہا ہے جس سے ٹاس جیتنے کا امکان بڑھ جاتا ہے۔
یہ دعویٰ ایک نئی تحقیق میں سامنے آیا۔
تحقیق میں کہا گیا کہ شواہد سے ثابت ہوتا ہے کہ ہاتھ میں سکے کا جو رخ اوپر ہوگا، نیچے گرنے پر اس کے نظر آنے کا امکان زیادہ ہوتا ہے۔
یہ دعویٰ سائنسدانوں نے ساڑھے 3 لاکھ سے زائد بار ٹاس کرنے کے بعد نکالا۔
ایمسٹرڈیم یونیورسٹی کی اس تحقیق میں یہ جائزہ لیا گیا تھا کہ ٹاس کرنے کا عمل کس حد تک شفاف ہوتا ہے۔اس سے قبل 2007 میں ایک تحقیق میں کہا گیا تھا کہ جب ٹاس کیا جاتا ہے تو سکے کا وہ رخ نظر آنے کا امکان زیادہ ہوتا ہے جو اوپر ہوتا ہے۔
اس تحقیق میں دریافت کیا گیا تھا کہ51 فیصد امکان اس بات کا ہوتا ہے کہ سکے کا جو رخ اوپر ہوگا، وہی نیچے گرنے کے بعد نظر آئے گا۔
البتہ تحقیق میں یہ واضح کیا گیا کہ یہ تاثر غلط ہے کہ ٹاس میں زیادہ تر ہیڈ کو ہی جیت حاصل ہوتی ہے، درحقیقت ہیڈ یا ٹیل آنے کا زیادہ امکان سکہ اچھالتے ہوئے ہاتھ میں ان کی پوزیشن پر ہوتا ہے۔