ایک نیوز:ترک سیریز’’کورولوس عثمان‘ ‘میں مرکزی کردار ادا کرنے والے تُرک اداکار براق ازچویت سےپاکستانی فنکاروں کےملاقات کرنےپراداکاریاسرحسین نےطنزیہ اندازمیں تیربرسادیئے۔
تفصیلات کےمطابق سماجی رابطےکی ویب سائٹ انسٹاگرام پریاسرحسین نےاپنےمنفرداندازمیں ساتھی فنکاروں کو تنقید کا نشانہ بنایا ہے۔
اداکار یاسر حسین نے انسٹا اسٹوری میں لکھا ہے کہ خدا کی قسم اتنا میک اپ میں نے کاسمیٹک کی دکان پر نہیں دیکھا جتنا کل ترکش اداکار براق ازچیوت سے ملنے کیلئےپاکستانی اداکاروں نے کیا ہوا تھا۔
اداکار نے گورے رنگ سے متعلق احساسِ کمتری کے مسئلے کی نشاندہی کرتے ہوئے’’ مرحوم جنید جمشید ‘‘کے گانے کے بول کا سہارالیا اور لکھا کہ گورے رنگ کا زمانہ، کبھی ہوگا نہ پرانا (سچ ہی ہے)۔
خیال رہے کہ گزشتہ ہفتے سلطنتِ عثمانیہ پر بننے والی تاریخی ترک سیریز’’ارطغرل غازی‘‘کے سیکوئل’’کورولوس عثمان‘‘ میں مرکزی کردار ادا کرنے والے تُرک اداکار براق ازچویت گزشتہ دنوں پاکستان آئے تھے، اس موقع پر انہوں نے پاکستانی مداحوں اور فنکاروں سے بھی ملاقات کی۔