ویب ڈیسک:چیئرمین پاکستان پیپلزپارٹی بلاول بھٹو زرداری نے ملک کے دیگر شہروں میں سموگ سے پریشان شہریوں کو کراچی منتقل ہونے کا مشورہ دے دیا۔
تفصیلات کےمطابق بلاول بھٹو زرداری نے ایکس پر جاری بیان میں پنجاب اور خیبرپختونخوا کے شہروں میں آلودگی کی تفصیل بھی شیئر کی،جس میں بڑے شہروں میں اے کیو آئی پوائنٹس کی تفصیلات بھی موجود ہیں۔
خیال رہے کہ پاکستان میں سموگ اتنی زیادہ ہو گئی ہے کہ خلا سے بھی نظر آنے لگی ہے، شدید دھند اور سموگ کے باعث فلائٹ آپریشن بھی متاثر ہےجبکہ موٹرویز کو بھی مختلف مقامات پر ٹریفک کے بند کرنا پڑ رہا ہے۔
پنجاب حکومت نے بڑھتی سموگ اور فضائی آلودگی کے باعث صوبے کے تمام اضلاع کے نجی و سرکاری سکول بند کرنے کے احکامات جاری کردیئے ۔
پنجاب میں بڑھتی ہوئی سموگ اور فضائی آلودگی کے باعث تمام سکولوں کو 17 نومبر تک مکمل بند رکھنے اور نجی اداروں کے نصف عملےکو آن لائن شفٹ کرنےکا فیصلہ کیا گیا ہے۔