ویب ڈیسک: پاکستان کی سینئر اداکارہ بشریٰ انصاری کا کہنا ہے کہ اگر پاکستان اور بھارت کے مابین سرحدیں نہ ہوتیں تو پاکستان کے اداکار وہاں زیادہ مشہورو مقبول ہوتے۔
بشریٰ انصاری سوشل میڈیا ویب سائٹ یو ٹیوب پر اپنے چینل پر ویڈیوز شیئر کرتی رہتی ہیں جس میں وہ کبھی اپنے فینز کو نصیحت، تو کبھی معاشرے میں ہونے والے تازہ واقعات پر گفتگو کرتی ہیں۔
حالیہ ویڈیو میں بشریٰ انصاری نے کہا کہ سرحد پار بھی پاکستانی ڈراموں کو سراہا جارہا ہے، ہمارے اداکار وہاں ہٹ ہوچکے ہیں،سینئر اداکارہ نے کہا کہ میں یہ سوچتی ہوں اگر یہ سرحدیں نہ ہوتیں اور انڈیا پاکستان کے جھگڑے نہ ہوتے تو ہمارے اداکار وہاں ٹاپ پر ہوتے۔
کیپشن: Our actors have become hits across the border: Bashira Ansari