ایک نیوز نیوز:بالی وڈ کی مشہور کامیڈی فلم ہیرا پھیری کے تیسرے حصے میں مداحوں کے پسندیدہ کردار نے کام کرنے سے انکار کر دیا ہے۔
رپورٹ کے مطابق اکشے کمار نے ہیرا پھیری 3 میں کام کرنے سے انکار کردیا ہے جس کے بعد اداکار کارتک آریان اس فلم میں اکشے کمار کی جگہ کام کریں گے۔اکشے کمار نے اسکرپٹ کی وجہ سے تیسرے حصے میں کام کرنے سے انکار کیا۔
اکشے کمار نے ہیرا پھیری 3 کے علاوہ ویلکم اور آوارہ پاگل دیوانہ کے پر بھی کام کرنے سے انکار کیا ہے۔ اس بات کی تصدیق ہیرا پھیری کےاداکار پریش راول نے ٹوئٹر پر کی۔
ٹوئٹر پر ایک صارف کی جانب سے پریش راول سے پوچھا گیا تھا کہ کیا یہ بات درست ہے کہ کارتک آریان ہیرا پھیری 3 میں کام کررہے ہیں جس پر اداکار کا کہنا تھا کہ ہاں یہ سچ ہے۔
Yes it’s true . https://t.co/JtdI4Yp2nb
— Paresh Rawal (@SirPareshRawal) November 11, 2022
واضح رہے کہ بالی ووڈ اداکار اکشے کمار کی ایک اور مشہور زمانہ فلم بھول بھلیاں کے دوسرے حصے میں بھی اکشے کمار کی جگہ مرکزی کردار کارتک آریان نے ادا کیا تھا۔ بالی وڈ کی مقبول ترین فلم 'ہیرا پھیری' کو 2000 میں ریلیز کیا گیا تھا جس کی کامیابی کے بعد اس کا دوسرا حصہ'پھر ہیرا پھیری' 2006 میں ریلیز ہوا، دونوں فلموں میں اکشے کمار، پریش راول اور سنیل شیٹی نے مرکزی کردار ادا کیے تھے۔دونوں فلموں میں اکشے کمار نے راجو کا کردار ادا کیا تھا ۔پریش راول اور سنیل شیٹی ہیرا پھیری 3 میں اپنے کرداروں کو دوبارہ ادا کرنے کے لیے تیار ہیں۔