ایک نیوز: پاکستان شوبز انڈسٹری سے وابستہ خوبرو اداکارہ، ماڈل اور میزبان فضا علی کی بڑی بہن علالت کے بعد انتقال کر گئی ہیں۔
رپورٹ کے مطابق فوٹو اینڈ ویڈیو شیئرنگ پلیٹ فارم انسٹاگرام پر فضا علی نے اسٹوری شیئر کرتے ہوئے اپنی ہمشیرہ کے انتقال کی خبر اپنے مداحوں کو دی،انہوں نے اپنی بہن کے لئے دعاؤں کی اپیل کرتے ہوئے لکھا کہ ’آپی چلی گئی، مجھے اور فریال کو چھوڑ کے اس دنیا سے، ہمیشہ کےلئے، ان کی آگے کی زندگی کے سفر کےلئے دعا کیجئے گا‘۔ اداکارہ فضا علی نے اپنی بہن کی یاد میں ایک ویڈیو بھی شیئر کی ہے جس میں ان کی بہن جُھولے جھول رہی ہیں اور ان کی بیٹی فریال اپنی بڑی خالہ کو جُھولا جُھلا رہی ہے۔
ویڈیو میں ان کی بہن کو بچپن یاد کرتے ہوئے کہتے ہوئے سُنا جاسکتا ہے کہ انہوں نے اپنے 8 بہن بھائیوں کو بڑا کیا ہے اور بچپن میں انہیں بھی اسی طرح جُھولا جُھلاتی تھی۔
View this post on Instagram
واضح رہے کہ گزشتہ ماہ یہ ہی ویڈیو شیئر کرتے ہوئے اداکارہ فضا علی نے اپنی والدہ جیسی بڑی بہن کی صحت کے لئے دعا کی اپیل کی تھی جو اُس وقت ان کی بہن وینٹی لیٹر پر تھیں۔