سماجی رابطے کی سائٹ ٹوئٹر پر سابق وفاقی وزیر داخلہ شیخ رشید کا کہنا ہے کہ شہباز شریف کیامپورٹڈ حکومت ملک میں مہنگائی کا سیلاب لانے کے باوجود آئی ایم ایف کو خوش نہیں کرسکی۔
شیخ رشید نے مزید لکھا کہ عمران خان کے دورِ حکومت میں غیر ملکی ترسیلات زر اور زرمبادلہ کے انبار لگے تھے لیکن موجودہ حکومت نے سب تباہ کردیا۔
سابق وفاقی وزیر نے لکھا کہ مہنگائی کے خلاف جماعت اسلامی اور عوامی تحریک کے احتجاج کی حمایت کی اور کہا کہ شہباز حکومت میں لوگ لوڈشیڈنگ اور مہنگائی سے مر رہے ہیں۔
امپورٹڈ حکومت آئی ایم ایف کو بھی خوش نہیں کر سکی تو صرف معیشت تباہ کرنے آئی ہے، غیر ملکی ترسیلات اور زرمبادلہ میں کمی ان کا دیا ہے۔ 10 گھنٹے کی لوڈشیڈنگ سے لوگ مر رہے ہیں۔ مہنگائی پر جماعت اسلامی اور PAT کے احتجاج دونوں کی میں حمایت کرتا ہوں۔منگل کو الیکشن کمیشن جاؤں گا۔
— Sheikh Rashid Ahmed (@ShkhRasheed) June 12, 2022
گزشتہ روز انہوں نے اپنے ٹوئٹ میں حکومت پر تنقید کرتے ہوئے کہا تھا کہ بجٹ سے پہلے ہی پیٹرول،گیس،بجلی اور گھی کی قیمتوں میں اضافہ ہوگیا ہے، اب تاریخی خسارے کے ساتھ کھاد اور قدرتی گیس پر بھی پیسے بڑھا دیئے ہیں۔