سوشل میڈیا پر ویڈیوزوائرل ہو رہی ہیں جس میں دیکھا جا سکتا ہے کہ ہندو انتہا پسند پولیس کی نگرانی میں مسلمانوں کے گھروں کو بلڈوزکررہے ہیں۔
اشوک سوائن نامی ایک صارف نے بھارتی خبر رساں ادارے کی ایک ویڈیو سوشل میڈیا پر بھی شیئر کی ہے جس میں مسلمانوں کے گھروں کوگرائے جانے کے عمل کو دیکھا جاسکتا ہے۔
India’s Hindu right wing regime bulldozing Muslim houses for they taking part in protest to oppose insult to Prophet Muhammad! pic.twitter.com/cdCZ4BFc0I
— Ashok Swain (@ashoswai) June 11, 2022
بھارتی شہر الہ آباد میں مظاہروں کا ماسٹر مائنڈ قرار دے کرجاوید احمد کو اہلخانہ سمیت گرفتار کر لیا گیا ہے۔ ان کا گھر بھی مسمارکرنے کی دھمکیاں دی جارہی ہیں۔
اترپردیش کے ہندو انتہا پسند وزیراعلیٰ یوگی آدیتیا ناتھ نے مظاہرین کو شرپسند قرار دیکر کہا کہ ان کے خلاف کارروائی ایسی ہونی چاہیے کہ سب کے لیے مثال بن جائے۔
بھارتی میڈیا کے مطابق اب تک 300 سے زائد افراد کو گرفتار کیا جا چکا ہے اور ان کے خلاف مقدمات بھی درج کر لیے گئے ہیں۔
یاد رہے کہ چند روز قبل بھارت کی حکمران جماعت بی جے پی کی مرکزی ترجمان نوپور شرما نے نبی کریم ﷺ کی شان میں گستاخی کی تھی۔