ایک نیوز: کسی بھی شخص کی زندگی میں کچھ لمحات ایسے ہوتے ہیں۔ جن کی چھاپ زندگی بھر کیلئے اس کے ذہن میں بیٹھ جاتی ہے۔ ایسا ہی ایک موقع شادی کا بھی ہوتا ہے۔ جو کہ ہر شخص کو ہمیشہ یاد رہتا ہے۔ ان حسین اور خوشگوار لمحات کو ہر شخص ساری زندگی محسوس کرتا ہے۔
تفصیلات کے مطابق کبھی کبھی یہ دن بھی یادگار لمحات کی بجائے تلخ یادیں چھوڑ جاتا ہے۔ ایسا ہی کچھ بھارت کی ریاست بہار کے علاقے 'گیا' میں ہوا۔ جہاں ایک شخص کو دوسری شادی کا شوق لے ڈوبا۔
गया में पोल खुलने पर गंजे दूल्हे की जमकर धुनाई, नकली बाल लगाकर दूसरी शादी रचाने पहुंचा था शख्स। डोभी थाना अंतर्गत बजौरा गांव का है मामला। वीडियो सोशल मीडिया पर वायरल।#Gaya #ViralVideo #Bihar #BiharPolice pic.twitter.com/rGgvlkah8z
— Bihar Tak (@BiharTakChannel) July 11, 2023
سماجی رابطوں کی ویب سائٹ ٹوئٹر پر ایک ویڈیو وائرل ہوئی ہے۔ جس میں دیکھا جاسکتا ہے کہ ایک دلہا بنے شخص اور باراتیوں کو لڑکی کے گھر والے پیٹتے نظر آرہے ہیں۔ بتایا جارہا ہے کہ دلہے میاں دوسری شادی کرنے پہنچے تھے۔ جنہوں نے اپنا گنجا پن چھپانے کیلئے سر پر وگ لگا رکھی تھی۔
عین وقت پر دلہے میاں کا پول کھل گیا اور ان کے ارمان دلہن کے گھر والوں کی پٹائی میں بہہ گئے۔ تاہم دلہے میاں کی شناخت نہیں ہوسکی ہے۔ دوبھی تھانے کی حدود میں واقع باجوڑہ گاؤں میں واقعے کے بعد قانونی کارروائی کا آغاز ہوچکا ہے۔