پولیس ذرائع کے مطابق پارلیمنٹ ہاؤس کے باہر فلمی انداز میں سڑک پر گھومنے والے مسلح شخص کو حراست میں لے لیا گیا ہے، ملزم سے پستول برآمد کی گئی ہے اور اس سے مزید تفتیش کے لئے تھانہ سیکرٹریٹ منتقل کردیا گیا ہے۔
ایک نیوز نے مسلح شخص کی ویڈیو حاصل کر لی جس میں دیکھا جا سکتا ہے کہ ایک شخص پارلیمنٹ ہاؤس کے عین سامنے دونوں ہاتھوں میں پستول تھامے چلا جارہا ہے اور ساتھ ہی کچھ الفاظ بھی دہرارہا ہے۔پولیس ذرائع کا کہنا ہے کہ ملزم اس سے پہلے ڈی چوک کے پاس اسلحہ کے زور پر گاڑیاں روکتا رہا۔