قومی ٹیم کی قیادت پھولوں کی سیج نہیں ہے،سرفرازاحمد

ویب ڈیسک:سابق کپتان سرفرازاحمدنےکہاہےکہ قومی ٹیم کی قیادت پھولوں کی سیج نہیں ہے،رتی برابرغلطی ہوجائےتوکپتان کی خیرنہیں ہوتی۔
پی ایس ایل فرنچائز کوئٹہ گلیڈایٹر کے تحت تقریب میں میڈیا سے گفتگو کرتے ہوئے سرفراز احمد کاکہناتھاکہ پلیئنگ الیون کا انتخاب کرنا ٹیم مینجمنٹ کی ذمہ داری ہوتی ہے، میں نے جتنی بھی کرکٹ کھیلی خاموشی کے ساتھ کھیلی، میرا نوجوان کھلاڑیوں کو بھی یہ ہی مشورہ ہے کہ وہ مکمل خاموشی اور توجہ کے ساتھ کرکٹ کھیلیں، اگر کارکردگی اچھی ہو تو کھلاڑی کو دوسرا موقع بھی ملے گا۔
سابق کپتان کامزیدکہناتھاکہ شان مسعود نے مضبوط حریف کے خلاف اچھے انداز میں کپتانی کی ذمہ داری ادا کی اور اپنی عمدہ قائدانہ صلاحیتوں کو تسلیم کروایا۔
سرفراز احمد کا کہنا تھا کہ ٹیسٹ اورٹی ٹوئنٹی کرکٹ کیلئے شان مسعود اور شاہین شاہ آفریدی کو کپتان بنایا گیا ہے تو اب ان کو مناسب موقع اور وقت بھی ملنا چاہیے۔
سابق کپتان کامزیدکہناتھاکہ قومی ٹیم کی قیادت پھولوں کی سیج نہیں ہے، بطور کپتان انتہائی ذمہ داری کا مظاہرہ کرنا پڑتا ہے، ورنہ تنقید سمیت دیگر نشتر چلائے جاتے ہیں، رتی برابر بھی غلطی ہوجائے توکپتان کی خیر نہیں ہوتی۔