ایک نیوز: پنجاب ماحولیاتی تحفظ ایجنسی نے سالانہ اسٹیٹ آف انوائرمنٹ رپورٹ 2024 کے لیے کمیٹی تشکیل دے دی۔
تفصیلات کے مطابق ڈائریکٹر جنرل ای پی اے ڈاکٹر عمران حامد شیخ کی سربراہی میں کمیٹی تشکیل دے دی گئی ، کمیٹی میں ای پی اے پنجاب کے مختلف ڈائریکٹرز اور ڈپٹی ڈائریکٹرز شامل ہوں گے ،کمیٹی کی سیکرٹری ڈپٹی ڈائریکٹر ریگولیٹری کنٹرول افراح علی ہوں گی ،ڈائریکٹر جنرل ای پی اے نے نوٹیفکیشن جاری کردیا ۔
پنجاب انوائرمنٹل پروٹیکشن ایکٹ 1997 کے تحت سالانہ رپورٹ کی تیاری لازم قرار دی گئی، ماحولیاتی تحفظ، پائیدار ترقی اور آلودگی کے کنٹرول کے اقدامات پر رپورٹ تیار کی جائے گی ، رپورٹ میں فضائی معیار، پانی کے وسائل، حیاتیاتی تنوع، فضلہ انتظام، زمین کے استعمال اور ماحولیاتی تبدیلی جیسے اہم امور شامل ہوں گے ،رپورٹ کی تیاری کے لیے متعلقہ حکومتی اداروں، صنعتوں، کمیونٹیز اور این جی اوز سے مشاورت کی جائے گی۔
10 فروری 2025 تک ڈیٹا اکٹھا اور تجزیہ مکمل کیا جائے گا، 26 فروری 2025 تک ابتدائی رپورٹ پیش کی جائے گی، 5 مارچ 2025 تک حتمی رپورٹ تیار کرکے پیش کی جائے گی ۔