ویب ڈیسک:تھائی لینڈ کے ایک فارم میں رہنے والے 3 سالہ بھینسے کو دنیا کا سب سے بڑا بھینسا قرار دے دیا گیا ہے۔
تفصیلات کے مطابق کنگ کانگ نامی بھینسے کی اونچائی 6 فٹ اور 8 انچ ہے،گنیز ورلڈ ریکارڈ نے کہا کہ یہ دیگر اوسطاً پانی کی بھینسوں سے تقریباً 20 انچ بڑی ہے۔
بھینسے کی مالک سچارٹ بونچارون نے کہا کہ کنگ کانگ کا سائز اس کی پیدائش کے لمحے سے ہی ظاہر تھا، فارم کی ملازم چیرپٹ ووتی نے کہا کہ خوفناک سائز سے قطع نظر، بھیساحقیقت میں کافی دوستانہ اور چنچل ہے۔
انہوں نے بتایا کہ وہ بہت فرمانبردار ہے، اسے کھیلنا پسند ہے، اسے کھجلی کروانا اور لوگوں کے ساتھ بھاگنا پسند ہے، وہ واقعی دوستانہ ہے۔
انہوں نے بتایا ایسا لگتا ہے جیسے یہ فارم پر ایک بڑا، طاقتور پالتو کتا رکھنے جیسا ہے۔