ایک نیوز:پاکستان سٹاک ایکسچینج میں کاروبار کے آغاز پر تیزی کا رجحان نظر آیا، سٹاک مارکیٹ میں ڈالر کی قیمت میں بھی کمی ریکارڈ دیکھی گئی ہے۔
کاروباری ہفتے کے تیسرے روز سٹاک مارکیٹ میں کاروبار کا مثبت آغاز ہوا ،پاکستان سٹاک مارکیٹ کے 100 انڈیکس میں406پوائنٹس کا اضافہ ہوا جس سے انڈیکس ایک لاکھ 13ہزار 416 پوائنٹس پر پہنچ گیا۔
سٹاک مارکیٹ میں دن بھر مجموعی طور پر 447 کمپنیوں کے شیئرز میں کاروبار ہوا ، 264 کمپنیوں کے شیئرز کی قیمتوں میں اضافہ جبکہ 117 کے شیئرز میں کمی ہوئی تھی۔
خیال رہے گزشتہ روز انڈیکس میں بڑا اضافہ دیکھنے میں آیا تھا جسکے باعث 100انڈیکس ایک لاکھ 13 ہزار کی سطح پر پہنچ گیا تھا،دوسری جانب انٹر بینک میں ڈالر سستا ہواہے ، 17 پیسے کی کمی کے بعد ڈالر کی قیمت 279روپے ہو گئی ہے۔