ایک نیوز : پاکستان سپرلیگ (پی ایس ایل) 2023 کا آفیشل ترانہ جاری کردیا گیا، جس کا عنوان ’سب ستارے ہمارے‘ رکھا گیا ہے ۔
تفصیلات کے مطابق پی ایس ایل کا باقاعدہ آغاز کل سے ملتان میں ہونے جارہا ہے ، لیگ کے 8ویں سیزن کا آفیشل ترانہ جاری کردیا گیا ہے اور جاری ہوتے ہی سوشل میڈیا پر ٹاپ ٹرینڈ کر رہا ہے۔
آفیشل ترانے کی موسیقی میں شائے گل، عاصم اظہر اور فارس شفیع نے اپنی آواز کا جادو جگایا ہے۔
ویڈیو 3 منٹ 20 سیکنڈ پر مشتمل ہے، جس کا آغاز پی ایس ایل کی ٹیموں کے پرچم تھامے گھڑ سواروں کی دوڑ سے ہوتا ہے اور یوں سنائی دیتا ہے کہ برق رفتار گھوڑوں کے دوڑنے کی آواز آرہی ہو۔
????Sab Sitaray Humaray????
— PakistanSuperLeague (@thePSLt20) February 11, 2023
HBL PSL Official Anthem 2023 l Shae Gill, Asim Azhar, & Faris Shafi
Watch full video: https://t.co/0hvFddBORC#SabSitarayHumaray l #HBLPSL8 pic.twitter.com/kTp7YToUeJ
پی ایس ایل کے آفیشل ترانے میں لاہور قلندرز کے چمپیئن کپتان شاہین شاہ آفریدی، ملتان سلطانز کے فاسٹ باؤلر شاہنواز دھانی، کپتان محمد رضوان، کراچی کنگز کے کپتان عماد وسیم، اسلام آباد یونائیٹڈ کے کپتان شاداب خان کے علاوہ حارث رؤف اور دیگر اسٹارز بھی جلوہ گر ہیں۔
پی ایس ایل 8 کی ٹرافی بھی ویڈیو کے اختتامی لمحات میں دکھائی گئی ہے۔