ویب ڈیسک:جنوبی افریقا سے تعلق رکھنے والے اسپنر تبریز شمسی پاکستان سپرلیگ (پی ایس ایل) 9 کیلئے کراچی کنگز کا حصہ بن گئے۔
افریقی بولر نے سماجی رابطے کی سائٹ پر مداحوں کو خوش خبری سنائی اور بتایا کہ ’میں پی ایس ایل 9 میں کراچی کنگز کی فیملی کا حصہ بننے پر بہت مسرور ہوں‘۔
تبریز شمسی نے مزید لکھا کہ پی ایس ایل ٹرافی جیتنے میں کراچی کنگز کیلیے بھی اہم کردار ادا کرنا چاہتا ہوں۔ یہ سیزن بہت زیادہ سنسنی خیز ہونے جارہا ہے جس کا مجھے شدت سے انتظار ہے۔
واضح رہے کہ کراچی کنگز کو پی ایس ایل کے 2020 کے پانچویں سیزن میں ملنے والی فتح میں افریقی اسپنر نے اہم کردار ادا کیا تھا۔
کیپشن: پی ایس ایل 9،جنوبی افریقہ کے تبریز شمسی کراچی کنگز کا حصہ بن گئے