ایک نیوز نیوز: معاشی مشکل میں پھنسے پاکستانیوں کیلئے اچھی خبر،، ایشیائی ترقیاتی بینک پاکستان کو 55 کروڑ 40 لاکھ ڈالر قرض دے گا۔واضح رہے کہ وزیرخزانہ اسحاق ڈار نے صدر مملکت عارف علوی سے ملاقات میں انکشاف کیا تھا کہ پاکستان کے پاس ایک ماہ اور چند روز کے زرمبادلہ ذخائر باقی رہ گئے ہیں ، اس لئے فوری الیکشن کا انعقاد ممکن نہیں۔
ایشیائی ترقیاتی بینک کی جانب سے جاری اعلامیے کے مطابق پاکستان کو دی جانے والی رقم سیلاب متاثرہ علاقوں میں تعمیرنو اور موسمیاتی تبدیلیوں پر مدافعت پیدا کرنے پر خرچ ہوگی۔
اعلامیے میں بتایا گیا ہےکہ منظور شدہ رقم میں 30 لاکھ ڈالر اے ڈی بی کی گرانٹ اور47کروڑ 50 لاکھ ڈالر قرض ہے جب کہ منظور شدہ رقم میں جاپان کی طرف سے 50 لاکھ ڈالر گرانٹ ہے۔
اعلامیے میں مزید کہا گیا ہےکہ اس رقم سے آبپاشی نظام کی بحالی اورنکاسی آب کے منصوبے مکمل ہوں گے، رقم سندھ، کے پی اور بلوچستان میں ٹرانسپورٹ نظام کی بحالی کے منصوبوں پر خرچ ہوگی۔